Десната, противмигрантска Лига на италијанскиот министер за внатрешни работи и потпретседател на владата, Матео Салвини, станала најпопуларна партија во Италија, покажале анкетите.
Двете нови анкети објавени на почетокот на неделата, покажуваат дека Лига го престигнала својот коалициски партнер – Движењето Пет ѕвезди – MSS.
Институтот “SWG” проценува дека Лига има 32,2 проценти од поддршката во однос на MSS, која има 28,3 проценти. Институтот Лориен, од друга страна, партијата на Салвини ја става на 31,7 проценти поддршка, а MSS на 26,8 проценти.
На изборите во март MSS освоил повеќе од 32 проценти од гласовите, речиси двојно повеќе од Лига, која добила 17,4 проценти.
Поддршката за Лига пораснала минатите месеци, по противењето на Салвини на илегалната миграција, по нападите на ЕУ и неуморната активност на социјалните мрежи.
Демократската партија, главен претставник на опозицијата, на изборите во март добила 19 проценти од гласовите, а во анкетите има околу 16 и 18 проценти поддршка.
