Пасошот на Обединетите Арапски Емирати (ОАЕ) е најмоќниот пасош во светот и со него може да се патува безвизно во дури 113 земји. Доколку го поседувате овој пасош, за да патувате низ светот ќе ви биде потреба виза во само 31 земја.
Според Passport Index, второто место го делат Сингапур и Германија со тоа што сингапурскиот пасош овозможува да се патува во една земја повеќе без виза во однос на германскиот пасош.
Потоа следат Данска, Шведска, Финска, Луксембург, Франција, Италија, Холандија, Шпанија, Норвешка, Јужна Кореја, и САД – сите рангирани на третото место на светската ранг листа.
Пасошот на Република Македонија се наоѓа на 36-то место и со него може да се патува во 77 земји без притоа да се одобри виза.
Во однос на нашите соседи, македонскиот пасош е повисоко рангиран од пасошите на Црна Гора (37. место), Босна и Херцеговина (40. место), Албанија (42. место) и Косово (81. место).
Целата листа може да ја погледнете на следниот линк.
Колку месеци пред да ви истече пасошот може да патувате во странство?
Сезоната на летни одмори одамна е веќе завршена, но затоа ни доаѓаат новогодишните празници и најлудата ноќ во годината па доколку патувате во странство неопходно е два пати да ја проверите датата за истекување на пасошот.
Причината за тоа е што во земјите на ЕУ, различно се пресметува важноста на пасошот, бидејќи во спротивно може да бидете вратени назад од граница.
Во ЕУ земјите може да патувате ако до истекот на пасошот останале уште три месеци, но не од датумот на патување, туку датумот на враќање во земјата.
Што се однесува до земји кои се надвор од ЕУ зоната, патната исправа треба да важи најмалку 150 дена, односно 6 месеци од денот на одење во Тунис и Египет.
Не заборавајте – детските пасоши имаат пократок рок на траење.
