Пентагон бара од Турција „безусловно“ да се откаже од набавката на рускиот противавионски систем Ѕ-400, официјално е соопштено од американската воена линија.
„Сè додека Турција безусловно не ја прекине набавката на рускиот PVO систем, сите испораки поврзани со програмата F-35 во Турција ќе бидат суспендирани“, се истакнува во соопштението.
Пентагон исто така наведува и дека ќе бидат преземени сите мерки за ланецот на снабдување на неопходните компоненти за монтажа на авионите F35, пред сè оние кои се произведуваат во Турција, не запре и затоа тие делови ќе ги набават „од други извори“.
Американското министерство за одбрана исто така наведува и дека дијалогот со Турција по ова прашање ќе продолжи.
„САД беа повеќе од јасни дека купувањето на Ѕ-400 системите е неприфатлива. Додека тие не се откажат од испораката на Ѕ-400, САД ги запира испораките и активностите поврзани со воспоставување на оперативниот капацитет на турскиот F-35. Ако Турција набави Ѕ-400, нивното континуирано учество во програмата F-35 е во опасност“, изјавил портпаролот на Пентагон, Чарлд Самерс Џуниор.
САД и другите сојузници на НАТО, повеќепати се жалеа на купувањето на рускиот систем за одбрана, велејќи дека тој не е компатибилен со другите сојузнички системи и би претставувал закана за F-35.
Самерс рекол дека иако Вашингтон продолжува да разговара со Турција по тоа прашање, Пентагон почнале да преговараат за неопходните чекори да пронајдат други извори за набавка на делови за F-35, кои ги произведуаваат Турците.
Според неговите зборови, преземени се чекори за да се заштити ланецот за набавка и заедничка инвестиција во технологијата на авионите.
