Првиот човек на Ла Лига, Хавиер Тебас со американските фондови договори „финансиска инекција“, но ниту Реал, а ниту Барса за таква опција не сакаат ниту да слушнат затоа што на тој начин на Американците ќе им припадне голем дел од „колачот“ од телевизиските права.

Претседателот на Реал Мадрид, Флорентино Перез со недели упатува навреди на сметка на Тебас, Кралскиот клуб најавува и тужби, а шпански „Мундо Депортиво“ јавува за најлудата идеја досега.

По пропаста на идејата за формирање на фудбалска Суперлига, Реал и понатаму бара ново натпреварување во кое би можел клубот од „Сантијаго Бернабеу“ да се приклучи. „Кралевите“, наводно, бараат правна можност да се натпреваруваат во англиската Премиерлига.

Сепак, се чини дека не е само Пл во игра. Опции, наводно, се и Серија А и Бундеслигата.

Останува да се види дали ќе има нови тектонски поместувања на фудбалската мапа откако пропадна идејата за формирање фудбалска лига на „богатите клубови“.

Реал Мадрид се огласи по најавите дека ќе се натпреварува во Премиер лигата

Во еден од реномираните шпански медиуми „Мундо Депортиво“ се појави помалку шокантна и крајно невераојатна за остварување информација.

Имено, медиумот пренесе дека Реал Мадрид сериозно ја разгледува опцијата да ја напушти Ла Лига и да се пресели во Премиер лигата.

Наводно, Флорентино Перез водел лични преговори со челниците на Премиер лигата за Реал Мадрид да се натпреварува на Островот, најмногу поради недоразбирањата со првиот човек на Ла Лига, Хавиер Тебас.

Сепак, ваквите апсурдни вести брзо беа демантирани од страна на „кралскиот клуб“ од каде се решија да дадат коментар на целата ситуација.

– По информациите пласирани денеска во „Мундо Депортиво“, кои говорат дека нашиот клуб ја разгледува можноста да се префрли од Ла Лига во Премиер лигата, Реал Мадрид сака да објави дека оваа информација е комплетна лага, апсурдна и невозможна и истата цели кон разнишување на нашиот клуб, -стои во соопштението од Реал Мадрид.