Хрватскиот репрезентативец, Иван Перишич наскоро ќе се сели во Премиер лигата.
Оваа информација веќе ја пренесовме но, има нов расплет на настаните. Перишич ќе потпише договор со Тотенхем. Договорот му истече на крајот на сезонава и сега е во можност слободно да премине во нов тим.
Според англиските медиуми, тој договорил двогодишен договор со клубот од Лондон кој од клупата повторно ќе го предводи Антонио Конте. 33-годишниот хрват имаше понуди од Јувентус и Челси, но Тотенхем излезе како победник поради тоа што на клупата токму седи Конте со кого имаа одлична соработка во ланската сезона во Интер.
Зад него е уште една одлична сезона меѓу “неро-аѕурите”. Тој го предводеше тимот до куп трофејот, а минатата сезона беше дел од тимот кој ја освои титулата во Сериа А. Перишич по една сезона помината во Баерн, помина шест години во Интер каде одигра 254 натпревари и постигна 55 голови.
Хрватскиот фудбалер во својата богата кариера настапуваше за Хајдук, Сошо, Розелар, Клуб Бриж, Борусија Дортмунд, Волфсбург, Баерн Минхен и Интер.
Димитар Младеновски
