Не само што присуствувале на првиот состанок на иницијативата „За татковината со Љубов“, на вицепремиерот Битиќи, туку и делеле совети за развој на македонската економија. Поранешниот вицепремиер Владимир Пешевски и екс министер за финансии Кирил Миновски од редовите на ВМРО-ДПМНЕ, мистериозно испарија од списокот на советници на вицепремиерот Фатмир Битиќи. Но иако ги нема на официјалниот список кој вицепремиерот за прв пат јавно го објави на својот ФБ профил, – сепак Пешевски и Миновски не исчезнаа од записникот од одржаниот состанок. Тие на он лајн средбата дале и свои предлози за темите кои се дискутирале.
КИРИЛ МИНОВСКИ ГО ПОСОЧИЛ КАКО ПОЗИТИВЕН ПРИСТАПОТ ЗА ФОРМИРАЊЕ НА ЦЕНТРАЛНА ЕДИНИЦА ЗА СЛЕДЕЊЕ НА КАПИТАЛНИ ИНВЕСТИЦИИ, ПО ПРИМЕРОТ НА РАЗВИЕНИТЕ ЗЕМЈИ КАКО ГЕРМАНИЈА ИЛИ ВЕЛИКА БРИТАНИЈА, И ИСТАКНАЛ ДЕКА Е ВАЖНО ВИСОКО НИВО НА РЕАЛИЗАЦИЈА НА КАПИТАЛНИ ИНВЕСТИЦИИ, КОИ ИМААТ МУЛТИПЛИЦИРАЧКИ ЕФЕКТИ.- СТОИ ВО ЗАПИСНИКОТ ОСД СОСТАНОКОТ. МИНОВСКИ КАЖАЛ И ДЕКА НЕДОСТАСУВААТ ЕКСПЕРТИ ЗА ПРОЕКТЕН МЕНАЏМЕНТ И ДЕКА ВО ПЕРИОДОТ КОЈ СЛЕДИ ЌЕ ТРЕБА ДА СЕ РАБОТИ НА РАЗВОЈ НА КАПАЦИТЕТИ ЗА ЧОВЕЧКИ РЕСУРСИ ЗА ИМПЛЕМЕНТАЦИЈА НА ПРОЕКТИ.
ВО ЗАПИСНИКОТ ПАК ЗА ВЛАДИМИР ПЕШЕВСКИ СТОИ ДЕКА ИМАЛ ТАКВА ИДЕЈА ЗА ФОРМИРАЊЕ НА ПРОФЕСИОНАЛНА ГРУПА ИМАЛ И И ТОЈ КОГА БИЛ ВИЦЕПРЕМИЕР, НО СЕ ОТКАЖАЛ. РЕКОЛ И ДЕКА ОВА ТЕЛО НЕ МОЖЕ ДА ГИ РЕШИ СИТЕ ПРОБЛЕМИ И ПРЕДЛОЖИЛ РАБОТАТА ДА СЕ ФОКУСИРА НА ОДДЕЛНИ СЕГМЕНТИ, НО ТИЕ СЕГМЕНТИ ДА СЕ ФАТАТ ЗДРАВО.
„ПЕШЕВСКИ ГО ИСКАЖА СВОЕТО МИСЛЕЊЕ, РАБОТАТА НА ПЛАТФОРМАТА И НА ПОЕДИНЦИТЕ ДА НЕ СЕ ЕКСПОНИРА МНОГУ МЕДИУМСКИ, А РАЗЛИЧНИТЕ МИСЛЕЊА ПОМЕЃУ ЧЛЕНОВИТЕ НА ПЛАТФОРМАТА ДА СЕ ДИСКУТИРААТ НА ЗАЕДНИЧКИТЕ СОСТАНОЦИ. “- СТОИ ВО ЗАПИСНИКОТ.
Битиќи за Телма денеска не објасни прецизно зошто двајцата поранешни функционери ги нема во активниот список со советници. Само рече дека советувањето е на доброволна основа и листата ќе се менува. И дека за нивниот ангажман не е предвиден надоместок. А дека сепак беа дел од иницијативата „За татковината со љубов“ индиректно потврди на вчерашната Топ Тема без да ги потврди имињата.
Покрај Пешевски и Миновски, во активните советници кои ги објави Битиќи се и Веле Самак, Виктор Мизо. Тука се и професорите, Марјан и Благица Петрески, Ванчо Узунов, Никола Поповски, Горан Рафајловски, Никица Мојсовска Блажеска, на списокот како активен советник е и Љупчо Зиков.
Дел од советниците не сака јавно да коментираат, освен Марјан Петрески кој за Телма кажа дека се до состанокот не знаел кој се ќе учествува.
ГО РАЗБИРАМ СЕНЗИБИЛИТЕТОТ НА ЈАВНОСТА ВО ОДНОС НА ВКЛУЧУВАВАЊЕТО ОДРЕДЕНИ ЛИЦА. МОРАМ ДА КАЖАМ ДЕКА ИСТИТЕ ПРАШАЊА МИ СЕ ОТВОРИЈА И МЕНЕ ЛИЧНО. НО НА СИТЕ ВКЛУЧЕНИ ВО ТЕЛОТО ЌЕ ГЛЕДАМ НИЗ ПРИЗМАТА НА НИВНИОТ СТРУЧЕН, А НЕ ПОЛИТИЧКИ БЕКГРАУНД – ИЗЈАВИ ПЕТРЕСКИ.
Веста дека поранешни функционери од ВМРО- ДПМНЕ го советуваат Битиќи предизвика жестоки реакции на социјалните мрежи. Дел од граѓаните иронично коментираат дека и Груевски ја сака Македонија и разбира економија, па може да му понудат некаква функција.
А според информациите на Телма имало и внатрепартиски реакции, по што тие не се објавени на официјалниот список.
ОДРЕДЕНИ ИНДИВИДУИ, КОИ ЗА СРЕЌА НЕ СЕ ВО ОБЈАВЕНАТА ЛИСТА НА БИТИЌИ, ЗАРАДИ ЛОШИ ПРАКТИКИ И ИСКУСТВА ЌЕ МОРАТ ПРВИЧНО ЉУБОВТА КОН ТАТКОВИНАТА ДА ЈА ДОКАЖАТ ПРЕД СУДОВИТЕ!“-ПОРАЧА КОСТАДИНОВ.
Порано викаа „режим, режим“, а испадна дека половина советодавен тим во Владата се од режимот – кажа и лидерот на ВМРО-ДПМНЕ Кристијан Мицкоски.
Владимир Пешевски е обвинет во случајот Траекторија на поранешното Специјалното јавно обвинителство за наводно земање провизии за изградба на „кинеските автопати“. Проценките се дека буџетот е оштетен за 155 милиони евра Предметот беше отворен по објавувањето на „бомбите“ од страна на лидерот на СДСМ Зоран Заев, кој тогаш беше во опозиција, а владеењето на Груевски го нарекуваше „режим“.
