Ракометарите на Македонија загубија во второто коло на Европското првенство од Чешка со 27-25. Со овој пораз работите во групата Б се искомплицираа, но шансите не се загубени. Нашата селекција играше добро во првиот дел, но во продолжението расположениот Галиа меѓу стативите беше клучен фактор за пресвртот.
Кружниот напаѓач на нашата селекција Жарко Пешевски смета дека денес сме немале среќа, но најави борба против Австрија која е домаќин.
„Штета навистина, овој наптреварот е загубен останува зад нас. Имаме уште еден да одиграме, да го оставиме срцето на терен, да играме како тим. Се надевам на поддршка како денес и како против Украина, сакаме на нивни крилја да славиме против Австрија на домашен терен.
Сè уште не сме ги анализирале, но тука се по квалитет како Чешка. Денес немавме среќа, се надевам дека против домаќинот таа ќе биде на наша страна“, истакна пивотменот на Штутгарт.
Последниот дуел од првата групна фаза Македонија го игра за два дена против Австрија со почеток од 18:15 часот во „Штадхале“ во Виена.
