Турскиот кувар, Нусрет Гокче, на социјалните мрежи е познат под името Salt Bae е воедно сопственик на ланец ресторани, а популарен стана поради начинот на кој го зачинува месото.
Имено, откако ќе го исече бифтекот тој го посолува така што ја витка раката, а лактото му е испружено така што солта се одбива од него и паѓа на месото.
И тој чекор му донесе слава и милиони, па сега има отворено ресторани во многубројни светски градови. Моментално има 17 ресторани, а неодамна е отворен и еден во Лондон, каде луѓето се шокирале со цените.
Еден маж ја сподели на Твитер сметката откако вечерал во ресторанот на Нусрет, на која се гледа дека вкупната сметка била 1.812 фунти односно 2.100 евра, а 236 фунти т.е. 273 евра биле наплатени за бакшиш.
Оваа сметка била за осум луѓе, кои биле изненадени од цените, односно еден сок чинел 9 фунти, како и фактот дека 4 Редбули биле наплатени за 44 фунти.
44 great british pounds for 4 redbulls… having a laugh. pic.twitter.com/xgzs8f2cEu
— Jamz (@jjamz_) September 26, 2021
“Се надевам дека остатокот од јунешкото ви го дадоа да си го земете за дома! 630 фунти за бифтек!”, “Зошто е баклавата 22 фунти, морам да ја видам таа порција”, биле коментарите.
