Сардинија, егзотичен остров кој се наоѓа во срцето на Медитеранот, е едно од најубавите места на светот.
Познат по својот престиж, го посетуваат бројни холивудски ѕвезди, а во текот на летниот период овој остров привлекува и до 5000 луѓе кои обожуваат да уживаат во нереалните плажи со бел песок.
Сепак, наскоро туристите ќе ги дочекаат бројни промени бидејќи сардиниските власти одлучиле да се ограничи пристапот до плажата “Ла Пелосa”, една од најубавите во Европа, која “Lonely Planet” ја опиша како “совршена плажа од соништата”.
Освен тоа, градските власти одлучиле да воведат план за ограничување на бројот на посетители на 1500 дневно, а туристите кои сакаат да уживаат на плажите ќе мора да купат влезница која ќе изнесува 3 и пол евра. Единствено децата на возраст до 13 години ќе бидат ослободени од купување на влезница.
Како што пишуваат италијанските медиуми, овој план се спроведува исклучиво поради заштита на природата бидејќи масовниот туризам сè повеќе ја уништува животната средина. Ова е особено изразено на престижниот остров Сардинија кој во екот на сезоната е преплавен со туристи од сите краеви на светот, а во просек во текот на еден ден низ ова место поминуваат и до 5000 луѓе.
