Секој што ќе се врати од странство во своето родно место ќе добие 1.000 евра
Со оваа мерка хрватската општина Градец им пркоси на Германија и Ирска, земји во кои се иселиле најголем број хрватски државјани.
Целта е да се вратат младите во родното место, вели градоначалникот на Градец, Матко Буриќ.
Секој повратник кој ќе го повлече носталгија и среќата ќе ја побара на подрачјето на градската општина ќе добие половина од износот по склучување на договор со општината, а втората половина после година дена поминати на подрачјето на Градец.
Сепак, тука нема да бидат опфатени луѓето кои се на сезонска работа во БиХ или Словенија на пример.
Слична мерка за враќање на младите назад има и Швајцарија која ве повикува: “Доселете се во нашата држава и ќе заработите по 60.000 евра”
Албинена е швајцарско село кое е подготвено да исплати голема сума на пари на луѓето кои ќе одлучат да живеат таму. Но, постои еден услов – потребно е да останете таму 10 години најмалку.
Доколку одлучите да се преселите таму, може да добиете и до 60.000 евра. Во селото живеат 260 жители, а со оглед на тоа дека нема многу деца, властите биле приморани да ги затворат училиштата и некои други институции.
Уште еден услов кој треба да го исполните е вашата возраст. Имено, треба да бидете помлади од 45 години.
Секој возрасен човек кој би се доселил би добил по 25.000 франци, додека пак родителите за секое дете би добиле помош од 10.000 франци.
