Земјотрес со јачина од 4,8 степени според Рихтеровата скала вчеравечер ја погоди Сицилија во областа на вулканот Етна, а италијанските медиуми јавуваат дека се повредени најмалку две лица.
Ова е еден од повеќе од десетте потреси кои беа забележани по ерупцијата на вулканот во понеделникот, пренесува “BBC”. Медиумите известуваат дека во земјотресот кој е регистриран три часа по полноќ по локално време во Виагранде, биле оштетени неколку згради.
Il terremoto a Catania: Etna: notte di paura per un sisma di magnitudo 4.8: si registrano crolli a Fleri, Santa Venerina e Zafferana Etnea. L'epicentro intorno ai comuni di Viangrande e Trecastagni L'articolo Il terremoto a Catania proviene da… https://t.co/XvoM9Go9qa pic.twitter.com/nIkaql2A7f
— Notizie confermate (@notiveri) December 26, 2018
Италијанските медиуми наведуваат дека локалното население било во паника и дека многу од луѓето излегле на улиците. Земјотресот бил почувствуван во Катанија, каде живеат повеќе од 300 илјади луѓе.
Аеродромот во Катанија вчера беше повторно отворен за сообраќај откако, поради облаците чад кои ги исфрлаше вулканот Етна, властите беа приморани да го затворат.
Felt #earthquake (#terremoto) M5.1 strikes 12 km NE of #Catania (#Italy) 4 min ago. Please report to: https://t.co/JPALzgW3cM pic.twitter.com/Gus18g96ld
— EMSC (@LastQuake) December 26, 2018
Сеизмолошката опсерваторија на планината Етна соопштила дека се отворила нова пукнатина на југоисточниот кратер. Етна, најголемиот од трите активни вулкани е особено активен од јули.
