Горан Пандев е топ тема во медиумите на Апенинскиот полуостров откако со два погодоци донесе голема победа за Џенова против неговиот поранешен клуб Наполи.
Ова беше прв пат Пандев да постигне два гола на еден натпревар од Серија А по 2013 година кога го носеше дресот токму на Наполи и кога успеа два пати да се запише во листата на стрелците.
37 годишниот ветеран по натпреварот беше запрашан дали се уште планира да се пензионира, на што популарниот Гоче овојпат ретерираше со својот став и не даде дефинитивен одговор дека Европското првенство со Македонија ќе е негово последно натпреварување во кариерата.
– Се мачев да заздравам од последната повреда, но се уште уживам во фудбалот и се чувствувам добро. Ќе видиме што ќе се случи. Планирав да се пензионирам по Европското првенство, но се уште не знаеме ништо сигурно, -изјави Пандев.
