Најстариот Јапонец кој беше признаен и како најстариот маж на светот почина на возраст од 112 години.
Китецу Ватанабе починал во неделата на 112 годиша возраст, пренесува “Kyodo News”. Роден е на 5-ти март 1907-ма година и живеел во дом за стари лица. На 12-ти февруари „Гинис“ го призна како најстариот маж на светот.
Откако завршил земјоделско училиште, Ватанабе се преселил на Тајван каде работел во јапонска компанија за производство на шеќер. Потоа бил во јапонската војска за време на Втората светска војна.
По завршувањето на војната, се вратил во својот роден град Нигата каде што работел како службеник до својата пензија. Зад себе остави 5 деца, 12 внуци, 16 правнуци и еден пра-правнук.
Инаку најстарото лице на светот е Јапонката Кане Танака која има дури 117 години – родена е дури пред Илинденското востание.
