Од САД се преселиле во Турција за да започнат процес на вештачко оплодување и да основаат семејство. Се венчале минатиот јули и во јануари пристигнале да живеат во родниот град на Алекс, Искендерун.
Брачниот пар Алекс и Вероника Илгин, кои во Турција пристигнале од Флорида, биле пронајдени прегрнати на креветот под бетонска плоча по разорниот земјотрес во градот Искендерун.
Од САД се преселиле во Турција за да започнат процес на вештачко оплодување и да основаат семејство. Се венчале минатиот јули и во јануари пристигнале да живеат во родниот град на Алекс, Искендерун. Алекс бил хипотекарен брокер, а неговата сопруга медицинска сестра.
Алекс и Вероника живееле во петкатница во споменатиот град, кој во земјотресот била срамнета со земја.
„Братот на Алекс ги бараше со спасувачка екипа. Ги пронајде под урнатините, прегрнати во кревет, под бетонските плочи. Немале време ни да станат“, рекол најдобриот пријател на Алекс, пренесува „Daily Mail“.
Тој рекол дека ден претходно братот на Алекс од урнатините ја извадил својата мајка, која исто така загинала. Речиси целото семејство загинало во потресот.
