Богатството на Ердоган се проценува на околу 200 милиони евра, а има најмалку три палати за кои се знае во Турција. На листата на „Форбс“ Ердоган (62) се наоѓа меѓу најплатени државници со годишни примања околу 61 милион евра годишно. Богатството го стекнал со вложување во акции, недвижности, а сопственик е на неколку ресторани и фудбалски клуб во Анкара. Има и своја вотка.
Сопругата на турскиот претседател, Емина Ердоган, тврди дека живее скромно, според стриктни муслимански вредности, но омилена забава ѝ е трошењето на пари…
Реџеп Таип Ердоган и неговата сопруга живеат во палата којашто чинела речиси 600 милиони евра и истата има 1.000 соби. Освен палатата во Анкара, имаат барем најмалку две луксузни резиденции во Турција. Емина обожава дизајнерска облека и не се срами да троши баснословни суми на неа.
Во земјата во која една четвртина од населението живее во сиромаштија, првата дама се фали како пие специјален чај којшто чини околу 1.800 евра по килограм и го пие од златни чаши коишто чинат речиси 300 евра.
Иако првичната замисла палатата Аксарај или во превод Белата палата да биде место од каде што ќе владее турскиот премиер, веднаш по изборот на Реџеп Таип Ердоган за претседател на Турција тоа стана негова палата.
Палатата се наоѓа на рид во преградие на Анкара и е завршена пред три години – Аксарај или Белата палата има 1.100 соби од кои 25 ги користи само Ердоган.
За оваа палата се потрошени дури 9 милиони долари само за теписи, 8 милиони за завеси, а дополнителни 6,5 милиони долари на 400 двојни стаклени врати.
Палатата има бункери кои можат да издржат биолошки, хемиски и нуклеарен напад. Се проценува дека е 30 пати поголема од Белата куќа. Исто така, тоа е најголемата палата изградена во последните 100 години.
