Во нападот на руското воено воздухопловство на двете бази во близина на археолошкиот локалитет Палмира во Сирија, загинаа околу 200 џихадисти, соопшти заменик директорот на рускиот Центар за помирување на спротиставените страни во Сирија, Александар Карпов.
Тој додаде дека во нападот на руската армија биле уништени и 500 килограми муниција, како и значајна количина на оружје и компоненти за производство на експлозивни направи.
„Врз основа на разузнавачките податоци беше утврдено дека милитантите во близина на Палмира поставиле тајна база за обука на група за изведување на терористички напади во различни делови од земјата и производство на експлозивни направи“, изјави Карпов.
FOOTAGE: Russian Airstrike kills 200 terrorists, #Syria– #Palmyra pic.twitter.com/GiZIwQF2Yj
— ASB News / MILITARY〽️ (@ASBMilitary) April 19, 2021
Тој откри дека џихадистите се подготвувале за изведување на терористички напади на владините институции во поголемите градови ширум земјата во пресрет на претседателските избори закажани за 26-ти мај.
Карпов нагласи дека милитантите се обучуваат на локации кои не ги контролира сириската влада, меѓу кои е и зоната Ал-Танф која е под контрола на војската на Соединетите Американски Држави.
