Концертите и настапите во клубови и дискотети се забранети во Србија, како и во најголем дел од државите во светот. Тоа значи помала заработувачка за пејачите, па Карлеуша побара „фер-плеј“ и за музичарите.
„Ако можат фудбалерите, кошаркарите и тенисерите да ја работат својата работа и да го забавуваат народот, зошто пејачите не можат да пеат, музичарите да свират?“, прашува Карлеуша.
Поранешниот кошаркар на МЗТ Скопје на својот Инстаграм профил имаше епски одговор за пејачката.
„Тебе никој не ти брани да пееш во празен клуб, сала или стадион“, напиша Луковиќ.
