Чоколадните брауни се омилените колачиња на многумина, а овој рецепт ќе ги воодушеви вашите домашни
Секоја комбинација со чоколадо е примамлива, а ако додадете и киселкаста нота со помош на овошје, ќе добиете полн погодок!
Потребни состојки:
- 250 грама темно чоколадо
- 200 грама путер
- 100 грама кафеав шеќер
- 1 ванилин шеќер
- прстофат сол
- 2 лажици какао во прав
- 3 јајца
- 150 грама брашно
- 340 грама малини (свежи или замрзнати)
Приготвување:
- На пареа стопете путер и чоколадо, додајте какао и оставете ги да се изладат малку.
- Земете подлабок сад во кој ќе ги изматите јајцата со шеќер и ванилин шеќер.
- Во смесата додајте ги чоколадото и путерот и кратко изматете со миксер.
- Додајте брашно и прстофат сол во смесата и повторно добро изматете.
- Додајте малини во смесата, па внимателно измешајте со шпатула.
- Ставете ја смесата во плех обложен со хартија за печење.
- Израмнете со шпатула и ставете го колачот во претходно загреана рерна на 180 степени Целзиусови.
- Оставете го колачот да се печете 40 до 50 минути.
- Извадете го од рерна и оставете го целосно да се излади, а потоа исечкајте го и послужете го.
По желба, може да го печете колачот и во калап за торта, па да го украсите со малини кога ќе биде готов.
