Европската унија постигнала договор за забрана на употреба на пластиката за еднократна употреба, како што се пластичните чинии и цевки.
Австриската министерка за одржливост и туризам, Елизабет Кестингер, на Твитер напишала дека договорот е постигнат, истакнувајќи дека станува збор за “пресвртница во напорите да се намали пластичниот отпад”.
Рамковниот договор треба официјално да го потврдат земјите членки на ЕУ и парламентот на ЕУ, а како што се очекува, ќе стапи на сила за две години, пренесува “Index.hr”.
Европската комисија во мај предложила забрана за низа пластични производи за еднократна употреба за кои постојат алтернативи кои не се од пластика, вклучувајќи еднократни пластични садови за храна.
Повеќе од 80 проценти од отпадот во морињата го сочинува пластиката, предупредила тогаш Европската комисија.
Пластичниот отпад посебно е проблем во светските мориња, бидејќи бавно се разградува и неговите траги често се пронаоѓаат во животинските видови како желки, китови или птица како во плодовите од морето со кои се хранат луѓето.
