Она што е главна вест денеска во фудбалскиот свет поврзана со гестот на фудбалерите на Израел, се случи уште пред некоја вечер, во Скопје.
За време на натпреварот помеѓу селекцииите на Македонија и на Гибралтар, нашиот репрезентативец Бобан Николов му се најде при рака, и со својата тренерка го „покри” малиот Јане, во обид дополнително да го стопли, пишува Спортмедија.
Потег што наиде на топол прием кај присутните на Арената „Фили втори” во таа студена ноемвриска вечер во Скопје.
Малиот Јане воедно е и едно од заштитните лица на Уефа, и се појавува во главната реклама од најелитното фудбалско натпреварување фудбалската лига на шампиони.
По директната покана на францускиот ас да го следи натпреварот на Манчестер Јунајтед против Севиља на „Олд Трафорд“, нашиот мал херој беше пречекан од фудбалските ѕвезди на „ѓаволите“, кои му посакаа топло добредојде, а посебен беше моментот кога Јане пред себе го здогледа Погба.
Во краток разговор со Погба, малиот Велковски кој е голем фудбалски фан, истакна дека е пресреќен што е во вакво друштво и дека во живо се запозна со своите идоли. Пол има големо срце и го смести Јане, неговиот помлад брат Огнен и родителите во приватната ложа во која заедно со мајката и братот на Погба го следеа дуелот Манчестер Јунајтед – Севиља. Јане и Оги беа пресреќни, добија подароци, се возеа со автомобилот на Погба и го поканија францускиот фудбалер во Македонија, барем еднаш да го облече дресот на Вардар. Гостите од Македонија направија големата ѕвезда целосно да го заборави поразот и европската елиминација.
Jане и неговата фамилија повторно ќе биде гостин на Манчестер Јунајтед и ќе има можност детално да се запознае со „Олд Трафорд“, клупските трофеи и историјата на славниот англиски клуб.
Јане е вистинска мала сензација во Македонија. Боледува од спинална мускулна атрофија (СМА), ретка болест за која чека лекот да биде одобрен во Македонија. Неговата популарност почна да расте кога за првпат се појави како придружба на репрезентацијата на Македонија на квалификацискиот натпревар против Шпанија во јуни, а потоа беше дел од проектот „EqualGame“ на УЕФА и сними рекламен спот кој премногу брзо стана хит и допре до големите фудбалски ѕвезди како Пол Погба, Фиго, Роберт Пирес, Нуно Гомез…
Извор: gol.mk
