Јапонија и Сингапур повеќе не се сопственици на најмоќниот пасош на светот. Потполно неочекувано, првото место на оваа листа го заземаа Обединетите Арапски Емирати.
ОАЕ неодамна се најдоа на првото место на интерактивната платформа во реално време наречена “The Passport Index”. Жителите на Обединетите Арапски Емирати можат без виза да патуваат во 167 земји, поточно во 84 отсто од светот.
The UAE passport has just been ranked as the most powerful passport in the world with visa-free entry to 167 countries world wide according to Passport Index. pic.twitter.com/XrUCW93qiR
— Dubai Media Office (@DXBMediaOffice) December 1, 2018
Сопственикот на оваа платформа е компанијата “Arton Capital” која ги оценува пасошите врз основа на бројот на држави кои граѓаните на одредени земји можат да ги посетат без виза. Платформата постојано ги споредува пасошите на 193 земји во 6 регии кои се членови на Обединетите Нации, користејќи јавни податоци, владини извори и меѓународни организации.
Емиратите брзо се искачија на врвот од листата и тоа од 27-то место кое го заземаа во декември 2016 година. Во јули, Обединетите Арапски Емирати влегоа во топ 10-те земји, благодарение на визниот договор со Русија, а откако беа укинати визите за Мексико, Либерија и Сиера Леоне, тие го заземаа првото место.
A new historic achievement… #UAE passport has become the strongest passport & now ranks 1st globally. The achievement coincides with 'Year of Zayed' & UAE's 47th National Day, adding to UAE's numerous accomplishments in various domains.https://t.co/TDcplkB35S pic.twitter.com/OkeBkfs7M9
— Dubai Media Office (@DXBMediaOffice) December 1, 2018
