Земјотрес со јачина од 3 степени по Рихтеровата скала кој најсилно го почувствувале граѓани на Дебар, Ростуше и други населени места се случил вечерва во 43 минути по полноќ.
Поместувањето според првичните информации се случило на два километри длабочина, а се почувствувало на приближно 70 километри југозападно од Скопје и на 11 километри североисточно од Ростуше.
Очевидци на социјалните мрежи веднаш по земјотресот сведочат за силен подземен татнеж кој предизвикал вознемирување.
