Скопскиот бизнисмен С.Ч., го претепал Б.П. вчера, околу 13 часот во најстрогиот центар на Скопје, пишува Цивил медиа повикувајќи се на искази на очевидци.
С.Ч. е сопственик на неколку хотели, градежна фирма и неколку други бизниси. Тој го извршил нападот врз Б.П. во најнепосредна близина на еден од неговите хотели, изграден минатата година, откако претходно му го попречил патот и побарал од него да ја симне рекламата за неговата менувачница што таму е поставена пред 19 години.
Цивил медиа пишува дека Б.П. мирно побарал од него да му дозволи да продолжи по патот, Б.П. го нападнал со тупаници, го кутнал на земја и продолжил силно да го удира во пределот на лицето.
Последиците од овој напад се видливи, скршена вилица и тешка повреда на левото око на Б.П., пренесува Нетпрес.
