Морган не можел да се воздржи да го потенцира фактот што Меган и Хари дале интервју токму сега кога здравјето на принц Филип (99) е нарушено
Познатиот британски новинар Пирс Морган утринава во својата емисија го критикувал принц Хари поради интервјуто што беше емитувано ноќеска, обвинувајќи го дека „срамно ги предал кралицата и кралското семејство“ и дека со ова порачал дека сака Америка и остатокот од светот да го мразат неговото семејство и неговата земја.
Изјавите што Хари и Меган Маркл ѝ ги дале на Опра Винфри ги нарекол „деструктивни самопрокламирачки глупости“ во својата емисија Good Morning Britain.
„Тоа што Меган го нарече кралското семејство еден куп расисти е најголемото обвинување што го имам слушнато во мојата кариера“, рекол Морган.
Освен во својата емисија, Морган и во текот на интервјуто објавувал твитови, шокиран од тврдењата на поранешниот кралски пар.
I wouldn’t believe Meghan Markle if she gave me a weather report.
— Piers Morgan (@piersmorgan) March 8, 2021
„На Меган не би ѝ верувал ни да ми прочита временска прогноза“.
Освен тоа, Морган не можел а да не го нагласи фактот што Хари и Меган без проблем се согласиле да се емитува ова интервју, токму во моментот кога принц Филип (99) е на болничко лекување и со нарушено здравје.
