По силниот земјотрес во Грција, кој беше почувствуван и во Македонија и Албанија, издадена е и тревога за цунами на брегот на Средоземно море.
Според соопштението на Европскиот сеизмолошки центар, постои опасност од забрзано растење на висината на брановите и затоа од луѓето е побарано да останат подалеку од плажите.
Во земјотресот со јачина од 6,8 степени што утрово ја погоди јужна Грција, засега нема информации за евентуални жртви. Како што пренесуваат грчките медиуми, од силните потреси на грчкиот остров Закинтос, оштетени се пристаниште и манастир од 15 век.
Портпаролот на грчката служба за цивилна заштита, изјавил дека три лица биле пренесени во болница, од кои две биле со полесни повреди, пренесе Ројтерс.
Епицентарот е регистриран во Јонското море, околу 130 километри југозападно од Петраса на Пелопонез, на длабочина од 14 километри.
