Модниот дизајнер со потекло од Шпанија е познат, помеѓу останатото, по високите потпетици кои ги осмислил за потребите на познатата серија „Сексот и градот“.
Меѓутоа, денеска од полето на модата преминуваме во кујната и ви претставуваме рецепт за чорба која Маноло обожувал да ја јаде кога бил дете.
Како што признал, во тој период домот мирисал на закрепнувачки зеленчук во чинија. Иако многумина сметаат дека чорбата не е премногу примамлива кога ќе се најде на менито, оваа која денеска ви ја претставуваме е нешто посебно. А она што е најдобро е што е многу лесна за подготовка.
– 450 гр. моркови
– 450 гр. тиква
– 450 гр. домати
– 2 репки
– 1 кромид
– 1 конзерва леблебија
– 400 гр. артичоки (во конзерва)
– 5 лажици маслиново масло
– 1 лажица брашно
– прстофат мелена црвена пиперка
Излупете ги и исечкајте ги морковите, кромидот, репките, доматите и тиквата. Ставете маслиново масло во тава и вклучете го шпоретот на средна температура. Кога маслото ќе се загрее, пропржете го кромидот, додајте го брашното и мелената црвена пиперка, па добро промешајте.
Додајте ги исецканите моркови и тиквата, прелијте го зеленчукот со вода и оставете да се вари околу 20 минути. Потоа на ред доаѓаат репките, доматите и артичоките од конзерва кои треба малку да ги посолите. Варете додека зеленчукот не омекне, а при крајот додајте ја и леблебијата. Се добро промешајте и сервирајте додека е топло.
