Сефот на Горан Ѓокиќ, сопственикот на менувачницата од Алексинац, кој беше киднапиран, па брутално уб-иен и запален со сопругата Гордана и ќерката Лидија, може да биде клучен во решавањето на мистеријата за лик-видацијата на ова семејство.
Сефот е пронајден минатата недела за време на претресот на просторијата, која ја користеле Ѓокиќ, но не е отворен веднаш, бидејќи клуч имал само Горан, а полицијата во тие моменти била фокусирана на потрагата на телата на жртвите.
Првичната истрага покажала дека Горан секогаш со себе носел голема сума девизи, неофицијално и до 50.000 евра. Дали парите ги чувал во сефот или, според чаршиските муабети, во резерваната гума на автомобилот, може да биде клучен податок во разрешувањето на трикратното уб-иство.
Ако полицијата во сефот пронајде поголема сума пари, тогаш поизвесно е дека мотивот за злосторството не е грабеж, туку освета или обид должникот да се ослободи од луѓето на кои им должи пари.
Во сефот би можело да биде пронајден и список со потенцијални должници, што, пак, би можело истрагата да ја однесе во сосема друга насока.
Српската полиција претходно соопшти дека злосторството е „исклучително добро испланирано и дека позади ова стои добро организирана логистика“.
