Пред точно 28 години во италијанското пристаниште Бари пристигнал брод преполн со бегалци од Албанија, во потрага по подобар живот. Меѓутоа, малку кој од нив успеал во својата намера.
Славната фотографија од бродот “Влјора” покажува сцена која била невидена дотогаш. Околу 20.000 луѓе пристигнале со брод во Италија.
Падот на комунизмот во Албанија на почетокот на 90-тите години од минатиот век донел голем економски колапс, како и недостиг на храна. Политичките и социјални немири во земјата охрабриле многу Албанци да се обидат да ја напуштат земјата. Многумина побегнале во Грција и Југославија.
Други се одлучиле за Италија, а на седми август тргнале на одлучувачкото патување.
Бродот “Влјора” од Куба се вратил преполн со шеќер, главните мотори не биле во употреба, а застанал во Драч да се истовари и да ги направи потребните поправки. Во меѓувреме, многу луѓе се собрале на пристаништето во надеж дека ќе се качат на било кој брод кој ќе оди за Италија.
Илјадници од нив, според некои извештаи 20.000 луѓе, се качиле на Влјора на 7-ми август 1991-ва година. Скокале во морето и преку јажињата се качувале на бродот. Некои виселе на јарболите за време на патувањето, а на бродот не можело да се фрли ни игла.
Капетанот Халим Милачи, не можејќи да ги убеди луѓето да се симнат од бродот, одлучил да исплови, плашејќи се од тоа што би можело да се случи ако аматерите го преземат кормилото.
“Sono persone, persone disperate. Non possono essere rispedite indietro, noi siamo la loro unica speranza”
Il sindaco di Bari, 28 anni fa, quando in un giorno solo 20mila albanesi disperati, affamati e disidratati raggiunsero la Puglia a bordo della #Vlora.
[1/3] pic.twitter.com/soJ17VU6U5
— Giorgio Fruscione (@Gio_Fruscione) August 7, 2019
Следниот ден, на 8-ми август, бродот пристигнал во Бари, но Италијанските власти одлучиле да не им дозволат на Албанците да се истоварат.
Повеќето луѓе веќе дехидрирале, а потоа и се судриле со полицијата.
Quando eravamo “umani”! #Vlora #codicemorse
La frase «sono persone,persone disperate. Non possono essere rispedite indietro,noi siamo la loro unica speranza»,pronunciata dal sindaco Enrico Dalfino e rivolta ai 18 mila profughi in fuga dall’Albania.https://t.co/y6U2kqrGAf
— Angelo Tani (@AngeloTani) August 6, 2019
Полицијата на крајот сепак успеала да спроведе повеќе од нив на стадионот на Бари, каде биле и задржани, а потоа и депортирани.
До 11-ти август останале уште 3.000 луѓе на стадионот, а им било кажано дека стекнале право да останат во Италија, но кога излегле од стадионот, полицијата ги ставила во автобуси и ги одвела на аеродром, од каде прелетале во Тирана.
L'8 agosto del 1991 entrava nel porto di Bari la nave Vlora con a bordo 20 mila profughi albanesi. A distanza di 28 anni quelle persone si sono perfettamente integrate,ma noi italiani sembriamo aver perso quello spirito solidale e di accoglienza di quei giorni. #Vlora pic.twitter.com/Q9eGDMJGNu
— Zu1ngo ? (@zuingo92) August 8, 2019
Така, на 16-ти август завршено било нешто што медиумите во Италија го нарекле “албанска инвазија”.
Иако Италијанците тогаш имале цврста антимигрантска политика, сега ситуацијата им е уште полоша.
Имено, Италија одлучила да забрани истоварување на бродовите со мигранти, поради што негодувала и Европската унија.
