Maserati од 2014-та година кога го претстави концептот Alfieri вети нов суперспортски модел, а сега после цели шест години италијанскиот производител пријатно ги изненади своите фанови.
Maserati се определи за две погонски опции на MC20 – конвенционалната со V6 мотор и „современа“ со електромотор.
Кога стануива збор за бензинецот, станува збор за нов 3.0 twin-turbo V6 мотор со 630 коњски сили и 730 Nm максимален обртен момент. Со ваквиот погон, Maserati MC20 од 0 до 100 километри на час забрзува за само 2,9 секунди, додека максималната брзина изнесува 325 километри на час.
Моторот е целосно развиен од страна на Maserati, а при проектирањето се користени идеи од Формула 1. Каросеријата е изработена од лесни материјали, па така MC20 има тежина од околу 1,500 килограми.
Maserati не ги откри спецификациите на електричната верзија, но ги откри перформансите на моделот. MC20 на струја од 0 до 100 километри на час ќе забрзува за 2,8 секунди, додека максималната брзина е нешто помала од бензинецот, односно изнесува 310 километри на час.
Од италијанскиот производител тврдат дека електричниот MC20 ќе може да помине 323 километри со едно полнење на батериите.
Новиот суперспортски Maserati ќе пристигне во продажните салони во 2021-ва година, а ќе се продава по цена почнувајќи од 210 илјади долари.
