Професорка спиела со пет ученици! Скандал поради кој вријат социјалните мрежи, пронајдени и експлицитни снимки

887

30-годишната Фиона Виоти спиела со ученици во училиштето Бишопс Дајосесан Колеџ во Кејптаун меѓу 2013-та и 2019-та година, потврдила истрагата. Омажената професорка по историја во едно од најелтините училишта во Јужноафриканската Република имала сексуална афера со барем пет ученици.

Секс скандалот го обелоденил еден 18-годишен ученик, со тврдењето дека бил во “интензивна врска” со неа и дека почнала да му врши притисок кога сакал да и раскине.

“На почетокот се согласувал со се, но станал жртва кога не можел да и раскине. Професорката на почетокот му праќала пораки да се најдат во нејзиниот дом, но ситуацијата дошла до ниво кога му било доста од се”, вели родителот на ученикот и додава дека не сакала да остави на мир, па на крајот морале да се обратат кај директорот.

Фиона ја користела можноста да ги заведе тинејџерите и како тренер по ватерполо, а одненадеж во октомври дала отказ, неколку дена пред обвинението да се појави во јавност. Приватните инспектори кои ги ангажирало училиштето откриле дека таа таргетирала полнолетни ученици барем шест години, пред и по мажењето со инвеститорот Пол Виоти. Пронашле и нејзини експлицитни снимки кои кружеле во училиштето и на интернет, но не е откриено на кого ги праќала.

Професорката претходно се занимавала со манекенство и нејзините фотографии се појавиле и во “Sports Illustrated”. Нејзиниот дедо бил директор на ова, инаку христијанско училиште, додека нејзиниот татко, како и таа, таму предавал историја.

Локалните медиуми пишуваат дека нема да има дисциплинска постапка бидејќи веќе дала отказ, но дека е малку веројатно дека ќе може повторно да предава.

Адвокатот на Фиона вели дека неговата клиентка оди на терапија кај психијатар, додека сопругот кажал дека се разделиле по скандалот.

ПОВРЗАНИ НАПИСИПОВЕЌЕ ОД АВТОРОТ