Полицаец е тешко повреден во Бронкс откако беше прегазен од автомобил кој веднаш побегна од местото на несреќата.
Според податоците на надлежните служби, полицаецот бил удрен од страна на црн седан околу 45 минути после полноќ на авенијата Волтон.
Томас Антонети од њујоршката полиција за „СиЕнЕн“ изјави дека полицаецот е во тешка, но стабилна состојба со повреди на нозете и главата. Возачот кој побегнал од местото на несреќата се уште не е уапсен.
VIDEO: An NYPD sergeant was struck and critically injured by a hit-and-run driver following the looting of a Bronx pawn shop Monday night. The driver fled the scene, the cop was transported conscious and alert. pic.twitter.com/AAK6PzLYZx
— Joe Marino (@joemarino_) June 2, 2020
Полицијата синоќа уапси над 200 демонстранти во Њујорк, претежно на Менхетн. Полициски службеници интервенирале исто така и во Бруклин и Бронкс каде што се случиле помали инциденти.
Инаку, полицаецот кој беше прегазен заедно со својот колега пристигнал по пријава за грабеж и вандализам, но засега не е јасно дали лицето кое го управуваше автомобилот учествувало во кражбите.
