На рускиот православен свештеник од регионот Урал му било забрането да врши служба во црквата во Магнитогорск и бил протеран во едно зафрлено село бидејќи неговата сопруга учествувала на локален избор за мис, кој бил одржан во текот на Големите пости.
Рускиот свештеник Сергеј Зотов бил казнет откако неговата сопруга Оксана Зотова, која води салон за убавина во Магнитогорск, ја освоила наградата “мис сензуалност” на тоа натпреварување.
Archpriest Feodor Saprykin, chair of the diocesan court, declared that "it is a great sin when the wife of a priest exposes herself for show".
He ruled that Sergei Zotov "will not be rehabilitated until his wife repents".— Laurie T (@opensenseme) April 15, 2019
Кога оваа информација дошла до верските службеници, Зотов веднаш добил отказ во црквата во Магнитогорск, пренесува “BBC”.
Како што наведува “Daily Mail”, на 31-годишниот свештеник му било кажано дека не може да се врати во црквата поради скандалот, освен ако неговата сопруга не се покае.
Зотов рекол дека неговата сопруга се соочува со закани и злоставување и дека добива бесни пораки и порачал дека планира да ја контактира полицијата.
Свештеникот е сега принуден да ја продолжи својата работа во селото Фершампенауз, на околу 65 километри од Магнитогорск, каде живеат околу 4.000 жители.
