Скопје се гуши во загаденост и магла , а штетните ПМ10 честички деновиве го достигнуваат пикот , како во метроплолата, така и во градовите во внатрешноста.
Во вечерните часови државните мерни станици покажуваат и над 500 ПМ10 честички во воздухот.
Тивкиот убиец, годинава доби свој пријател, коронавирусот, па 19 проценти од вкупниот број на починати од КОВИД 19 се должат на долготрајните последици од аерозагадувањето, вели за Канал 5 Д-р Злате Мехмедовиќ.
Дополнителен проблем во навидум нерешливиот загаден воздух се дивите депонии.
Црн чад… Ова е честа слика на периферијата на градот Скопје. Локалните власти велат дека кога би имало казни ваквото нешто не би било секојдневие…
Град Скопје бара да има и кривична одговорност, а од Министерството за животна средина велат дека имаат конкретен план за решевање на проблемот со депониите во државата, чиј број засега останува непознат.
Депонијата во Визбегово што со децении се зголемува, па веќе достигна површина од околу 10 фудбалски игралишта започна да се расчистува. Со ова, велат локалните претставници, ќе се реши и четвртата голема скопска депонија, а потоа ќе се планира чистење на онаа кај Вардариште.
