Гај Верхофштат, лидерот на либералите во Европскиот парламент, го повика Салвини на дебата и го обвини него и неговите сојузници од десничарските партии за заговор со Путин за уништување на Европската унија.
Поранешниот белгиски премиер, во видео пораката директно му се обрати на италијанскиот вицепремиер Матео Салвини кој е и министер за внатрешни работи и прв човек на десничарите во Италија.
„Ве предизвикувам на дебата еден-на-еден, затоа што луѓето имаат право да ги знаат кои ѓаволски планови ги имате на ум“, порача Верховштат неколку дена пред изборите за Европскиот парламент.
Dear @matteosalvinimi,
You & your friends Strache, Le Pen, Orban & Farage are plotting with & paid by Putin to destroy ??. I challenge you to a 1 vs 1 debate. People have the right to know what devil's plan you have in mind. Let me know where, I'll be there! #SalvinivsVerhofstadt pic.twitter.com/fmV3Z4WckT— Guy Verhofstadt (@guyverhofstadt) May 20, 2019
Во пораката која ја објави на своите профили на социјалните мрежи, Верхофштат го поврза Салвини со останатите десничарски лидери како што е Хајнс Кристијан Штрахе, кој неодамна поднесе оставка на местото вицеканцелар на Австрија.
Исто така, Верхофштат го спомена и унгарскиот премиер Виктор Орбан, лидерката на француските десничари Марин Ле Пен и лидерот на Брегзит кампањата во Велика Британија, Најџел Фараж.
Како што рече, сите тие „константно се во заговор кој го плаќа Путин за да ја уништат Европа“, а неодамна изјави дека се плаши дека „Европската унија ќе умре“, доколку десничарските популисти триумфираат на европските избори оваа седмица.
Тој тврди дека Салвини успеал да создаде евроскептична супергрупа и тоа е „бакнеж на смртта“ за Брисел. Според Верхофштат, десничарските популисти не се единствената закана по Европската унија, додавајќи дека унијата исто така се соочува со предизвиците на кинеските, руските и американските „имерии“.
