Додека во другите земји јавноста се соочува со фрустрација поради бавното делување на институциите, Македонија покажа како треба да функционира одговорен систем – брза реакција, јасен став дека нема да има толеранција за неодговорност и подготвеност веднаш да се превземат мерки за заштита на граѓаните, пишува РТЦГ.
Македонската влада со брза, навремена и посветена реакција, по трагедијата во Кочани, покажа пример за одговорност за регионот и земјите од ЕУ. Додека во некои земји од регионот жртвите и нивните семејства со години ја чекаат правдата, Македонија покажа дека институциите можат да делуваат брзо и одлучно, пишува РТЦГ.
Медиумот истакнува дека, по трагедијата во Кочани, каде во пожар животот го загубија 59 лица, властите веднаш ги превземаа неопходните мерки – истрагата започна без одложување, одговорните се уапсени, а помош за жртвите и нивните семејства е организирана на највисоко ниво.
-Во регионот често сме сведоци на долготрајни процеси, каде институциите со месеци, па дури и со години, не носат конкретни одлуки. Во Македонија, за разлика од тоа, правдата не се одложува – одгоорност се утврдува веднаш, а институциите покажуваат целосна посветеност, транспарентност и почитување и законитост. Посебно внимание заслужува брзината на спасувачките тимови – медицинските екипи на местото на несреќата пристигнале во рекордна брзина, а државните болници обезбедија итна и најквалитетна нега за повредените.
Додека во другите земји јавноста се соочува со фрустрација поради бавното делување на институциите, Македонија покажа како треба да функционира одговорен систем – брза реакција, јасен став дека нема да има толеранција за неодговорност и подготвеност веднаш да се превземат мерки за заштита на граѓаните, пишува РТЦГ
Во пожарот во Кочани, која се случи ноќта меѓу саботата и неделата, животот го загубија 59 лица.
