Шпанија вчера соопштила дека привремено ја повлекла фрегатата од борбената група на чело со САД во Персискиот залив, што укажува на дипломатските разлики меѓу Европа и Вашингтон во односот кон Иран, јавува “Reuters”.
Шпанското Министерство за одбрана не ги навело причините за повлекувањето на фрегатата “Мендес Нуњес” со 215 морнари, а според зборовите на портпаролот, вршителот на должноста министер за одбрана Маргарита Роблес подоцна денес ќе ги објасни мотивите.
САД пратиле носач на авиони и бомбардери B-52 на Блискиот исток, како одговор на наводните закани на Иран за американските сили во регионот.
Spain Withdraws Its Frigate from US Combat Group in Persian Gulf – Reports: https://t.co/LWbL2Tg8EC via @SputnikInt
— Cui Bono (@BigSkyGuy57) May 14, 2019
Американскиот претседател Доналд Трамп, исто така, сака да го пресече извозот на нафта за да изврши притисок на Техеран да го сопре својот нуклеарен програм.
Додека Европската унија ја дели загриженоста на САД поврзана со делувањето на Иран во Сирија, таа го поддржува нуклеарниот договор со Техеран од 2015-та година, од кој Трамп ги повлекол САД.
