Реал Мадрид и Барселона водат жестока трка на трансфер пазарот.
Според информациите кој ни пристигаат од престижниот “hoops hype”, двата шпански гиганти се борат за ангжман на еден од најдобрите шпански играчи. Станува збор за центарот Вили Хернангомез кој последните 7 години настапува во NBA лигата.
29-годишниот центар во досегашната кариера веќе има настапувано за Реал Мадрид во младинските категории како и за првиот тим во период од 2013 до 2016 година. Потоа се пресели во најсилната кошаркарска лига каде настапуваше за Њу Јорк, Шарлот и Њу Орлеанс. Хернангомез е четирикратен освојувач на златни медали, еднаш како младинец а три пати како професионалец.
Барселона е пред сериозни промени и намален буџет за следно првенство. Од друга страна, “кралскиот клуб” е решен да ја пополни центарската позиција по се поочигледното заминување на Валтер Таварез кој никако не може да се договори со управата на тимот околу продолжување на договорот.
Вили Хернангомез беше прогласен за најкорисен играч на последното Европско првенство.
Димитар Младеновски
