Нерешениот резултат (1-1) од првиот натпревар за многу екипи кои реваншот го играат на домашен терен би претставувал предност, но не и за Реал.
Пред се затоа што Барселона на Бернабе игра како на домашен терен, последните години повеќе победи има таму, отколку на Камп Ноу и е мал фаворит пред мечот. Од нерешените резултати, на Реал му одговара само 0-0 или 1-1 за продолженија, се останато и оди во прилог на Барселона.
А, во последните 13 години, каталонскиот тим само еднаш останал без постигнат гол во Мадрид. Тоа се случи летото 2017 година, во реванш дуелот од Суперкупот на Шпанија кога Реал славеше со 2-0. Претходно, Барса не постигна гол на Бернабе на 22 октомври 2006 година кога Реал, исто така, победи со 2-0. Оттогаш се одиграни 17 натпревари во Мадрид, Барса на 16 од нив дала гол.
