Со заминувањето на Жозе Мурињо од Манчестер Јунајтед и доаѓањето на Оле Гунар Солскјер на неговата позиција тимот од „Олд Трафорд“ се препороди.
Јунајтед на десет натпревари оствари девет победи и еднаш одигра нерешено. Неколку играчи едноставно воодушевија со својата игра од кои најмногу се истакнува Пол Погба.
Французинот игра фантастично па одлучи да побара и нов договор, а покрај Антони Марсијал кој неодамна потпиша до 2024. година, нови договори им се понудени и на Андер Ерера, Ешли Јанг како и Хуан Мата.
Играчот кој покрај Погба покажа најмногу е Маркус Рашфорд кој од доаѓањето на Солскјер постигна девет гола и запиша четири асистенции.
Во Јунајтед го препознаа тоа, па сега зпаочнаа преговори околу новиот договор по кој платата на Рашфорд би се удвоила од сегашните 85 на 170 илјади евра неделно.
Рашфорд има договор до 2020. година со тимот од „Олд Трафорд“, а Јунајтед сака да го награди играчот со нов договор, но и да го избрка Реал Мадрид кој е сериозно заинтересиран за 21-годишниот играч и сака на лето да го доведе на „Сантијаго Бернабеу“, како дел од новиот проект за собирање на најдобрите млади играчи на едно место.
