Од вечерва на полноќ имаме уште едно, мало зголемување на цените на некои од горивата.
Во согласност со методологијата за формирање на цените на горивата, од вечерва малопродажните цени се зголемуваат во просек за 0.15%.
Цената на ЕУРОСУПЕР-95 се зголемува за половина денар, па еден литар 95-октански бензин ќе се продава по цена од 59.50 денари. Цената на ЕУРОСУПЕР-98 не се менува, и еден литар 98-октански бензин и понатаму ќе чини 61.50 денари.
Цената на ЕУРОДИЗЕЛ горивото се зголемува за половина денар, па еден литар дизел од вечерва ќе чини 51.50 денари.
Новите цени стапуваат на сила вечерва на полноќ.
