Регулаторната комисија за енергетика соопшти дека се одземени лиценците на трговците Пертинакс за трговија на големо со мазут и на Гуливер Инжинеринг за трговија на големо со Еуродизел БС.
Дозволите за трговија се одземаат поради тоа што трговците на големо не доставиле во меѓувреме докази дека поседуваат резервоари за соодветниот нафтен дериват.
-Двајца трговци на големо не доставија докази дека имаат резервоари за складирање на дел од нафтени деривати, што се основни средства за работа. Токму поради тоа што не поседуваат основи средства РКЕ донесе одлуки со кои им ги одзеде лиценците за вршење на енергетска дејност за Еуродизел БС на Гуливер Инжинеринг и на Пертинакс за мазут. Овие трговци не можат да тргуваат со овие поединечни деривати, затоа што немаат лиценца, потврди Марко Бислимовски, првиот човек на РКЕ.
Дади оил доставил документи со кои докажува дека поседува резервори за Еуросупер БС 95, додека Башино Гас приложил документи за обезбедени резервоари за вршење на енергетска дејност трговија на големо со течен нафтен гас (ТНГ).
За РКМ, Ли Оил и Супертрејд постапките се запрени затоа што се утврдило дека овие трговци ги поседуваат потребните резерви.
