По 15 минути игра во вториот дел, Франција првпат направи разлика од два, а потоа и од три гола во големото финале на Светското првенство.
Како што беше случајот и во изминатите неколку меча, француските репрезентативци ја чекаа својата шанса од контра нападите и по еден таков стигнаа до предност од 3-1. Првиот обид на Пол Погба беше блокиран, но затоа на вториот немаа одговор ниту одбранбените играчи на Хрватска, ниту голманот Данијел Субашиќ.
Неколку минути подоцна, Килиан Мбапе стави точка на одличното издание на својата селекција со прекрасен удар од далечина за 4-1.
Пред неполна минута Хрватска го возврати ударот, и сега резултатот е 4-2.
„Триколорите“ се блиску до втората светска титула, 20 години по воведната на Мундијалот на домашен терен.
