На денешен ден во 2002 година, Вашингтон Визардс гостуваше во Кливленд.
Мајкл Џордан се судри со своите стари “пријатели”.
Како многу пати претходно, Џордан беше кобен по “Кавси”.
Безброј одлични партии и победнички шутеви ја одбележија неговата борба против ривалот од централната дивизија. Повторно се повтори старото “сценарио”. Ова претставуваше првото гостување на најголемиот кошаркар на сите времиња, по неговиот втор “кам-бек” (во сезоната 2001-2002).
Вашингтон, тоа првенство се мачеше и на крајот не успеа да обезбеди пласман во доигрувањето. Но, оваа ноќ (како и мнoгу пати пред неа) засекогаш ќе остане во сеќавањето на кошаркарските фанови.
Џордан беше прв стрелец на мечот со 26 постигнати поени, а последните два беа клучни за победата на неговиот нов тим. “Волшебниците” победија со 93-92 со победоносниот скок шут на нивниот лидер. Најголемиот на сите времиња, уште еднаш го потсети светот за каква величина станува збор.
Уживајте во најубавите моменти од овој натпревар.
NBA FAN
Димитар Младеновски
