Револуција во Премиер лигата: Најмногу Англичани од 2010 година

Во потрага по брзи успеси, англиските клубови последната деценија упорно вложуваа во странски фудбалери, па екипите им личеа на легии на странци.

Се чини дека на таа практика полека и доаѓа крајот и премиерлигашите почнуваат да се вртат кон домашните фудбалери што им носи успеси на репрезентативен план. И понатаму во оваа лига стигнуваат квалитетни странци од најразвиените фудбалски држави, но зголемен е трендот на настапи на домашните.

Во своето соопштение за првото коло од новата сезона, Премиер лигата објави дека во стартните постави имало дури 83 англиски фудбалери од вкупно 220 што е најмногу од отворањето на сезоната 2010/11. Најмногу имало во големото дерби на првото коло меѓу Јунајтед и Челси – осум, Тотенхем играл со четворица (сите од академијата на клубот), а Сити, Арсенал и Ливерпул по тројца.