Најновата медицинска студија открива дека луѓето се свесни кога ќе починат и знаат што се случува околу нив – мозокот останува активен дури и откако срцето и останатите витални органи ќе престанат со работа.
Научниците и докторите веќе со векови се обидуваат да откријат што се случува со умот после смртта.
Најновите истражувања откриваат дека после моментот на клиничка смрт, човекот би можел да остане свесен толку долго, така што може да слушне како докторите го прогласуваат за мртов. Научниците сега тврдат дека човечкиот ум останува свесен и после физичката смрт, односно откако срцето ќе престане да пумпа крв, а мускулите и нервите ќе престанат да функционираат.
Ова значи дека луѓето одредено време всушност остануваат заробени во сопственото мртво тело додека мозокот уште некое време е жив и функционален.
Лицата кои што преживеале тешки срцеви удари откриваат дека биле свесни за тоа што се случувало околу нив за време на траењето на индуцираната кома, пред докторите „да ги вратат во живот“.
Доктор Сем Парниа тврди дека луѓето во првата фаза од смртта, после откажувањето на виталните органи, тие остануваат свесни за тоа што се случува околу нив.
Овие тврдења се темелат на низа на обиди и студии на случаеви во САД. После разговорите со преживеаните кои што претрпеле инфаркт, голем број на пациенти откриле дека се сеќаваат што се случувало околу нив во моментите кога нивното срце не работело.
„Опишуваат како докторите околу нив работат, а се сеќаваат и на разговорите кои се воделе околу нив. Без свест тие не би можеле да го знаат тоа“, открива Парниа, пренесува news.com.au.
