Со 13-тиот гол во дресот на Јувентус Кристијано Роналдо постави нов стандард кога станува збор за Португалците во Серија А.
Никогаш во историјата на Серија А ниту еден Португалец не успеал да ја понесе титулата за најдобар стрелец во шампионатот.
Дека постои голема шанса за такво нешто да се случи во сезоната 2018/19 стана јасно кога Јувентус го ангажираше Кристијано Роналдо.
Португалецот веќе во втората минута од мечот со Сампдорија дојде до својот 13-ти првенствен погодок во дресот на Јувентус и така постави нов стандард кога станува збор за играчите од Португалија во Серија А.
Никогаш претходно на ниту еден Португалец не му пошло од рака во една сезона да постигне повеќе од 12 првенствени голови во Серија А.
Роналдо со денешниот гол го прескокна поранешниот играч на Јувентус Руи Барос кој дресот на „Бјанконерите“ го носеше две сезони.
Доколку Роналдо продолжи во овој ритам, голема е веројатноста дека на крајот од сезоната ќе биде прогласен за „Капоканониери“ во Серија А, односно ќе ја понесе титулата за најдобар стрелец во италијанското првенство.
