Кристијано Роналдо за прв пат по доаѓањето на Зинедин Зидан, односно неговото враќање во Реал Мадрид, прокоментира за него и даде своја експертиза околу тоа зошто тој мисли дека францускиот стратег е најдобар за „кралевите“.
Факт е дека Роналдо и Зидан имаа беспрекорна соработка неколкуте сезони поминати заедно во Реал, па сега токму тоа го потенцира португалскиот фудбалер кој сега настапува за Јувентус.
„Мислам дека Зизу знае како да се справи со тимот и да ги изнесе на вистинскиот пат. Сигурно дека не е лесна ситуацијата во моментов, но Зизу знае што треба. Тој знае како да го извлече најдоброто и интелигенцијата од вас. Реал ќе биде повторно добар со Зидан“, констатира Португалецот.
Дури се провлекуваа и најави низ медиумите дека Роналдо идното лето би сакал повторно поради Зизу да се врати во Мадрид, но меѓу редови Португалецот отфрли таква можност, односно не сакаше да коментира „таков тип на шпекулации“.
