Португалскиот ас Кристијано Роналдо не ја исклучи можноста по завршувањето на кариерата да се занимава и со тренерската работа.
Роналдо има 34 години, но крајот на неговата кариера сигурно не е блиску. Тој во моментов не размислува толку за иднината, но не ја отфрла можноста да се занимава со тренерска функција во некој клуб.
„Зошто да не?“ одговори Роналдо во разговорот со шпански „Ел Паис“, а потоа новинарот го запраша дали можеби своите пензионерски денови ќе ги помине во Барселона.
„Хаха, не. Барселона не е за мене. Отидов еднаш или двапати и чувствував дека Кристијано таму не им се допаѓа на многумина. Но, тоа е нормално поради ривалството од времето кога бев играч на Реал Мадрид“, изјави Роналдо.
