Еднокомпонентната вакцина против коронавирусот „Спутник Лајт“ е регистрирана во Русија, а нејзината ефикасност изнесува 79,4% што е прилично висок процент во споредба со некои од вакцините со две дози.
„Министерството за здравство на Русија, Националниот истражувачки центар за епидемиологија и микробиологија „Гамалеја“ и „РФПИ“ соопштуваат дека е регистрирана еднокомпонентната вакцина против коронавирусот „Спутник Лајт“. Ефикасноста на вакцината изнесува 79,4%, а оваа стапка ја надминува ефикасноста на многу вакцини од две дози“, стои во соопштението.
Прецизирано е дека проценката на ефикасноста е извршена врз основа на податоците на лицата кои примиле само една доза во рамките на програмата на масовна вакцинација и кои од било која друга причина не добиле втора доза во периодот од 5-ти декември 2020-та година до 15-ти април 2021-ва година.
Introducing a new member of the Sputnik family – a single dose Sputnik Light!
It’s a revolutionary 1-shot COVID-19 vaccine with the 80% efficacy – higher than many 2-shot vaccines.
Sputnik Light will double vaccination rates and help to handle epidemic peaks ✌️ pic.twitter.com/BCybe8yYWU
— Sputnik V (@sputnikvaccine) May 6, 2021
Според лабораториските истражувања на центарот „Гамалеја“, вакцината „Спутник Лајт“ е ефикасна против сите нови мутации на коронавирусот, се додава во соопштението на Фондот.
„Не се регистрирани сериозни несакани реакции по имунизацијата со вакцината. „Спутник Лајт“ не бара специјални услови за чување и логистика, а цената е пристапна – помалку од 10 долари“, се прецизира во соопштението.
Примената на вакцина со една доза овозможува за кратко време да се вакцинираат голем број на луѓе. Од рускиот Фонд известија дека вакцината „Спутник 5“ ширум светот ја примиле повеќе од 20 милиони луѓе до 5-ти мај.
