Американскиот Совет за национална безбедност ги обвини руските војници за предизвикување инцидент во Сирија во кој настрадаа неколку американски војници.
Руски автомобил удри во оклопно возило на коалицијата (предводено од САД) во североисточна Сирија, што предизвика повреди на членовите на екипажот кои беа во него“, се наведува во изјавата на претставникот на Советот за национална безбедност на САД, Џон Елиот.
Според него, за да се избегне конфликт, американскиот автомобил го напуштил местото на несреќата.
Ваквото несигурно и непрофесионално однесување е кршење на правилата за спречување на провокации и на конфликти, за што беа договорени САД и Русија во декември 2018 година. Коалицијата и Соединетите држави не сакаат ескалација со војниците на ниту една земја, но американските сили имаат право на самоодбрана против непријателски дејствија“, истакна претставникот на Советот за национална безбедност.
Да се потсетиме дека началникот на Генералштабот на вооружените сили на Русија, Валериј Герасимов, телефонски разговараше со шефот на Комитетот на началниците на вооружените сили на САД, генерал Марко Мили, како што се претпоставува, во врска со овој инцидент.
Претходно, во медиумите се појавија информации за инцидентот што се случи во североисточна Сирија меѓу руски и американски војници. Сепак, засега нема официјален коментар од Министерството за одбрана на Русија.
